خبر: وسيم عليا
أحيت الفنانة شيرين عبدالوهاب حفل فني في دبي و صرحت شيرين قبل الحفل من خلال منصةET بالعربي في أول تصريحاتها بعد وصولها إلى دبي خلال الساعات الماضية، أكدت شيرين سعادتها بالعودة لجمهورها منذ حفلها السابق في الكويت، ولقائها بجمهورها في دبي، حيث أحيت أولى حفلاتها الغنائية خارج مصر.
وأضافت شيرين عبدالوهاب: “مبسوطة إني رجعت لحياتي، السمكة رجعت للبحر، وانتظروا كل جديد، وفي مفاجأة كبيرة بعد أيام في دولة كبيرة، الناس وحشتني أكثر ما أنا وحشتهم”.
وتابعت: “أنا اتأخرت على جمهوري بسبب ظروف نفسية أكبر مني، وكان الاختفاء جزء من نقاهة محتاجة لها من سنين، أنا باشتغل من وأنا سني 13 سنة، وده كان كبير عليا، كانت سنين حلوة كلها نجاحات وتنوع في البلاد اللي غنيت فيها، وكنت محتاجة أجازة بجانب ظروفي النفسية، لكن الحمد لله كجزء كبير تعافيت.
وأعربت شيرين عن امتنانها لدعم الجمهور والفنانين لها في الفترة الماضية قائلة: “الحب والدعم والاهتمام اللي شوفته من الجمهور كان فوق الوصف، والفنانين كانوا زي الجمهور خايفين على شيرين وعايزينها ترجع لنشاطها، وده حب ربنا أكرمني بيه، وأنا تحت أمر الجمهور اللي شارك في مسيرتي وعمل شيرين عبد الوهاب”.
